Séra Sigurður Már Hannesson hefur verið ráðinn sóknarprestur við Seljasókn í Reykjavík en þetta kemur fram á vef þjóðkirkjunnar.

Hann útskrifaðist með embættispróf í guðfræði frá Háskóla Íslands vorið 2020 var hann vígður til prestsþjónustu hjá Kristilegu skólahreyfingunni í mars árið 2021. Samhliða starfi sínu sem skólaprestur sinnti hann einnig ýmsum verkefnum fyrir KFUM og KFUK.

Í júní árið 2022 valdi valnefnd Sigurð Má til þess að þjóna við Seljaprestakall.

Haustið 2024 hóf hann að starfa sem sóknarprestur Seljakirkju í afleysingum, en í desember það sama ár fór sóknarnefnd Seljakirkju fram á að Sigurður Már yrði settur í embætti sóknarprests, eftir að sr. Ólafur Jóhann Borgþórsson sagði starfi sínu lausu.

Þá var einnig tilkynnt um að séra Hjalti Jón Sverrisson hafi verið ráðinn í starf fangaprests hjá þjóðkirkjunni.