Sameiginleg æfing Lögreglunnar á höfuðborgarsvæðinu, sérsveitar ríkislögreglustjóra og Slökkviliðs höfuðborgarsvæðisins fer fram í dag samkvæmt upplýsingum frá lögreglunni.

Ökutæki viðbragðsaðila kunna því að vera meira áberandi í umferðinni en ella, en æfingunni, sem fram fer á höfuðborgarsvæðinu, lýkur um hádegi. Lögreglan biður vegfarendur um að sýna skilning og þolinmæði vegna þessa, en íbúar í Hafnarfirði munu líklega helst verða varir við æfinguna.