Nú hefur embætti skrifstofustjóra Alþingis loksins verið auglýst en Ragna Árnadóttir lætur af störfum þann 1. ágúst næstkomandi og mun hún taka við starfi forstjóra Landsnets. Ragna tók við embættinu árið 2019 og hefur sinnt því vel að mati margra.

Það verður áhugavert að sjá hver verður næst skipaður í embættið en klárt mál er að um risastórt og virðingavert starf er að ræða. Slúðrið á krám landsins um þessar mundir er að Stefán Eiríksson útvarpsstjóri sé alvarlega að íhuga að sækja um enda væri erfitt að hafna honum með alla þá reynslu sem hann hefur.

Útvarpsstjórinn hefur verið harðlega gagnrýndur nánast frá fyrsta degi í starfi. Rétt er þó að benda á að mikið af þeirri gagnrýni kemur frá fólki sem vill leggja RÚV niður og notar hvert tækifæri til að sparka í Stefán. Hann er þó ekki fullkominn og hefur gert mistök sem hafa hellt olíu á eld óvina RÚV. Þá er sennilegt að hann sé hreinlega orðinn þreyttur á öllu fjaðrafokinu í kringum starfið.

Hins vegar gæti nokkuð furðuleg stemming skapast á Alþingi verði Stefán fyrir valinu í ljósi þess að stjórn­skip­un­ar- og eft­ir­lits­nefnd Alþing­is mun mögulega skoða aðkomu Rík­is­út­varps­ins að hinu svo­kallaða byrlun­ar­máli ...