Tveir ungir karlmenn voru sakfelldir fyrir afar hættulega líkamsárás gegn manni við skógræktina við Klapparholt á Akranesi.

Kemur fram í ákærunni að mennirnir tveir hafi saman ráðist að þessum eina með ofbeldi, en annar þeirra sparkaði ítrekað í efri búk sem og höfuð fórnarlambsins; hinn sló hann ítrekað í skrokkinn með óþekktu áhaldi.

Eftir að þolandinn féll til jarðar vegna ofbeldisins héldu tvímenningarnir áfram að veitast að hinum særða á meðan hann lá algjörlega varnarlaus.

Sá sem varð fyrir árásinni hlaut tveggja sentímetra skurð á höfði, sár víða, bólgu sem og mar í andliti við augnlok og kjálka; hann kinnbeinsbrotnaði - fimm tannbrot; rifbeinsbrot og fleiri áverka víða á líkamanum.

Hinir ungu árásarmenn játuðu sök; þótti játningin studd gögnum málsins og voru tvímenningarnir sakfelldir fyrir stórfellda líkamsárás: Báðir voru þeir dæmdir í 9 mánaða fangelsi til tveggja ára og þeim er gert að greiða fórnarlambinu 700 þúsund krónur í miskabætur; rúmar 300 þúsund krónur í málskostnað. Einnig þurfa þeir hvor um sig að greiða 335 þúsund krónur í lögmannskostnað.