Söng, og útvarpskonan ástsæla, Salka Sól Eyfeld er hætt á Rás 2. Þetta tilkynnti hún rétt í þessu á Facebook.

Salka Sól, sem síðastliðin tæp sex ár hefur stjórnað helgarþáttum á Rás tvö, tilkynnti í morgun að síðasti þáttur hennar sé nú farinn í loftið. Segir hún það hafa verið afar gefandi og skemmtilegt að vera með þáttinn og segist hafa viljað svo „innilega halda áfram að vakna“ með hlustendum um helgar en að ákvörðunin hafi ekki verið hennar.

Hér má lesa færsluna í heild:

„Kæru hlustendur og vinir

Þá er síðasti þátturinn minn farinn í loftið þennan sunnudaginn. Það er búið að vera svo gaman og gefandi að vera með ykkur fyrst á laugardags- og síðan sunnudagsmorgnum síðustu tæplega 6 árin. Ég hefði svo innilega viljað halda áfram að vakna með ykkur um helgar en ákvörðunin um að þættinum yrði ekki framhaldið á dagskrá Rásar 2 var ekki mín.

Takk fyrir að hlusta, takk fyrir öll skilaboðin og hlýleg orð í gegnum tíðina.“