Andrés Jónsson, almannatengill og ráðgjafi, telur líklegast að fjölmiðlamaðurinn Frosti Logason verði næsti oddviti Miðflokksins í Reykjavík í komandi sveitarstjórnarkosningum.

Andrés greindi frá þessu í Reykjavík Síðdegis í gær.

Fáir eru jafn tengdir inn í heim stjórnmála og Andrés og þykir því ólíklegt að hann myndi nefna á Frosta á nafn án þess að eitthvað væri á bakvið það. Andrés hefur verið lengi í sviðsljósinu en hann skaust fram á sjónarsviðið sem formaður Ungra jafnaðarmanna en hann var formaður þar á bæ frá 2003 til 2006.

Miðflokkurinn hefur á undanförnum vikum verið að kynna frambjóðendur til leiks. Meðal þeirra sem hafa gefið kost á sér eru Helgi Áss Grétarsson varaborgarfulltrúi, Páll Edwald en hann er sonur Ara Edwald, Kristín Kolbrún Kolbeinsdóttir Waage og Breki Atlason.