Michael Phillips, sem hefur vakið athygli fyrir að segjast vera með minnsta getnaðarlim í heimi, viðurkennir að hafa sent konum óumbeðnar nektarmyndir af sér. Hann segir þó að tilgangurinn hafi ekki verið sá sem margir haldi, og kveðst sjá eftir hegðun sinni.

Í samtali við TMZ segir Phillips að hann hafi sent slíkar myndir í tengslum við stefnumót, til að gera konum grein fyrir aðstæðum sínum fyrirfram. Hann lýsir því sem eins konar viðvörun, svo viðkomandi gæti tekið upplýsta ákvörðun um hvort hún hefði áhuga.

Phillips sendi frá sér yfirlýsingu í kjölfar þess að kona sem hann sendi mynd birti frásögn sína af atvikinu. Phillips segir þá frásögn að mestu leyti rétta, en með ákveðnum fyrirvörum. Hann segist hafa brugðist við eftir að konan gerði grín að honum opinberlega vegna umfjöllunar um líkamlegt ástand hans. Í kjölfarið hafi hann sent henni mynd í reiði og sagst vilja sýna henni að hún ætti ekki að hæðast að öðrum.

Phillips segir að hann hafi reynt að útskýra að um væri að ræða líkamlega fötlun sem hann þyrfti að lifa með og að hann hafi vonast til að atvikið yrði lærdómsríkt. Hann viðurkennir jafnframt að hafa áður sent óumbeðnar myndir, einkum undir áhrifum áfengis, en segir þá hegðun hafa verið mistök.

„Ég geri þetta ekki lengur og biðst afsökunar á hegðun minni og sérstaklega þær konur sem ég kann að hafa móðgað,“ segir Phillips.