Arndís Anna Kristínardóttir Gunnarsdóttir, fyrrum þingmaður Pírata, hefur ákveðið að selja fallega íbúð sína við Rauðalæk í Laugardalnum.

Margir muna eftir því þegar Arndís var handtekin á skemmtistaðnum Kíkí qu­eer bar árið 2023. Samkvæmt þingmanninum fyrrverandi voru dyraverðir staðarins ósáttir með hversu lengi hún var á klósettinu.

Íbúðin er 164,4 m² á stærð og eru fimm svefnherbergi í henni og tvö baðherbergi og fylgir bílskúr með eigninni. Svo er auðvitað stutt í Laugardalslaugina og Laugardalinn sjálfan, sem er ein besta útivistarperla höfuðborgarsvæðisins. Svo hjálpar auðvitað að Kaffi Laugalækur er handan við hornið en það er eitt besta kaffihús landsins.

Samkvæmt upplýsingum í fasteignaauglýsingunni hefur eignin verið mikið endurnýjuð, sem er klárlega plús.

122.000.000 krónur eru settar á íbúðina.