Kveðjuhóf Lilju

Lilja Alfreðs­dóttir mennta­mála­ráð­herra skiptir um ráðu­neyti að óbreyttu. Í byrjun vik­unnar hélt hún þakk­ar­hóf með sínum nán­ustu starfs­mönnum í ráðu­neyt­inu. Það var skiln­ingur margra að þar væri í raun um að ræða kveðju­hóf. Sjálf mun hún eiga sér þann draum að verða utan­rík­is­ráð­herra og nýta sér yfir­grips­mikla þekk­ingu og menntun ná sviði alþjóða­mála. Ráðu­neytið er henni ekki í hendi en full­víst er talið að hún muni fá nýtt ráðu­neyti.

Fram­sókn­ar­flokk­ur­inn er með firna­sterka stöðu í stjórn­ar­mynd­un­ar­við­ræðum eftir kosn­inga­sig­ur­inn. Þá hjálpar það líka að Bjarni Bene­dikts­son, for­maður Sjálf­stæð­is­flokks­ins, vill sem minnst hlaða undir Guðlaug Þór Þórð­ar­sonar utan­rík­is­ráð­herra, sem þykir standa sig ágæt­lega sem ráð­herra eins og sjá má af kosn­inga­sigri hans í Reykja­vík. Það hentar því ágæt­lega að færa hann í erf­ið­ari mála­flokk, eins og til dæmis heil­brigð­is­málin …