Klaustur-Karl verður lögreglustjóri

Ólga er í Vest­manna­eyjum eftir að Jón Gunn­ars­son dóms­mála­ráð­herra ákvað að Karl Gauti Hjalta­son yrði næsti lög­reglu­stjóri í Vest­manna­eyjum. Karl Gauti á sér þá for­tíð að hafa verið kos­inn þing­maður Flokks fólks­ins. Þing­mennska hans með Ingu Sæland og félögum end­aði þó með þeim ósköpum að hann var rek­inn eftir upp­á­komu á Klaust­ur­bar. Þar náð­ist á uppptöku þar sem hann, Ólafur Ísleifs­son þáver­andi þing­maður Flokks fólks­ins, Sig­mundur Davíð Gunn­laugs­son, for­maður Mið­flokks­ins, Gunnar Bragi Sveins­son, vara­for­maður sama flokks, og fleiri fóru mik­inn í orð­ræðu sem lýsti kven­hatri og fyr­ir­litn­ingu á öðrum þing­mönnum. Inga Sæland fékk sér­staka útreið og var kölluð illum nöfnum. Bára Hall­dórs­dóttir náði fúk­yrð­unum á upp­töku og sendi fjöl­miðlum. Nokkru eftir brott­rekst­ur­inn gengu Karl og Ólafur í Mið­flokk­inn en féllu báðir út í kosn­ing­unum á eftir í fylg­is­hruni Mið­flokks­ins. Meðal þeirra sem hafa mót­mælt skipan Karls Gauta er Íris Róberts­dóttir, bæj­ar­stjóri í Eyjum sem ætlar þó að vinna með Karli, þegar til kemur, Skipun Karls er enn ein hrafns­fjöðrin í hatt dóms­mála­ráð­herra sem þarf að verj­ast van­trausti á Alþingi í dag …