Svandís í pólitískri lífshættu

Svandís Svav­ars­dóttir mat­væla­ráð­herra þykir hafa sýnt kjark með því að mæta á Akranes og rétt­læta þá ákvörðun sína að svipta næstum 200 manns sum­ar­vinnu sinni með því að banna hval­veiðar í sumar. Fjúkandi reiðir Skaga­menn gerðu hróp að Svandísi sem reyndi eftir bestu getu að útskýra bannið í ljósi þess að und­ir­bún­ingi veið­anna var lokið og starfs­fólkið í start­hol­unum þegar bannið skall á dag­inn áður en skyldi róið á hvala­mið.

Sjálf­stæð­is­menn for­dæma fram­göngu ráð­herr­ans og stjórn­sýsl­una sem er að baki ákvörð­unar hennar. Innan Vinstri grænna er ekki ein­hugur um málið. Vara­þing­mað­ur­inn Lilja Rafney Magn­ús­dóttir er á meðal þeirra sem gagn­rýna fram­göngu Svan­dísar sem nú berst fyrir póli­tísku lífi sínu eins og Illugi Jök­uls­son orðar það á Facebook-síðu sinni. Hann segir þá ákvörðun Svan­dísar að mæta á fund­inn vera þaul­hugs­aða. „Hún er nátt­úr­lega að berj­ast fyrir póli­tísku lífi sínu. Ef hún fer í kosn­ingar án þess að sýna að hún hafi bein í nefi, þá er ekki einu sinni víst að hún næði kjöri. Þetta er allt útspek­úlerað, er ég smeykur um,“ skrifar Illugi sem hefur lík­lega lög að mæla …