Þetta er óánægðasta fólk Íslands

Ný rann­sókn á ánægju Íslend­inga hefur verið birt. Þetta er í fyrsta sinn frá árinu 2014 sem Gallup birtir sam­bæri­lega könnun. Í sund­ur­liðun á nið­ur­stöðum sést hvaða hópar það eru sem upp­lifa mesta ánægju og hverjir minnstu. Taka ber fram að ekki þarf að vera orsaka­sam­hengi að ræða þótt fylgni sé til staðar. Til við­bótar ber að athuga ánægju­stigið getur verið frekar orsök en afleið­ing.

1. Kjós­endur Sós­í­alista­flokks Íslands

23% þeirra eru óánægðir með lífið. Allt bendir til þess að það sé ástæða þess að þeir kjósa miklar breyt­ingar. Flestir þeirra, 71% eru þó ánægðir með lífið.

2. Ein­stæðir karl­menn

Karlar sem eru ekki í sam­búð eða hjóna­bandi eru næst­lík­leg­astir allra hópa til að vera óánægðir með lífið. 17% þeirra eru það. Sömu­leiðis eru fæstir þeirra ánægðir með lífið af öllum, eða 64%.

3. Ein­hleypir mið­aldra

Fólk frá 35 til 66 ára sem býr eitt er flest ánægt með lífið, en 14% þeirra eru óánægð.

4. Fólk með grunn­skóla­próf

Mun fleiri eru ánægðir með lífið sem hafa háskóla­próf og mennta­skóla­próf en hinir. 13% fólks með grunn­skóla­próf er óánægt með lífið, en bara 4% hinna. Samt eru 79% grunn­skóla­mennt­aðra ánægð með lífið, en þó 85% mennta­skóla­geng­inna og 91% háskóla­geng­inna. Senni­lega er sama ástæða fyrir því að fólk getur sótt sér aukna menntun og að fólk sé ánægt.

5. Ungt barna­fólk

Hvort sem það er skortur á leik­skóla­plássi eða of stór skammtur af Hvolpa­sveit­inni, er 12% fólks á aldr­inum 18 til 45 ára með börn óánægð með lífið. Senni­lega er þó álag og fjár­hags­á­hyggjur lyk­il­þáttur í óánægj­unni, eins og öfugt er með eldra fólk og Sjálf­stæð­is­menn, sem eru meðal þeirra ánægð­ustu.

6. Sam­bands­lausar konur
Ein­stæðar konur eru mun ánægð­ari með lífið en karlar sem ekki eru í sam­búð. Sömu­leiðis eru karlar sem eru í sam­búð ánægð­ari en konur í sam­búð. Til allrar ham­ingju fyrir karl­menn eru þó konur í sam­búð almennt ánægð­ari en konur utan sam­búðar.

Almennt eru Íslend­ingar mun „ánægð­ari með lífið“ 2025 en áður og segj­ast 85% ánægð. Árið 2014 voru það 74% en neðst fór ánægjan í 69% árið 2012.

Þess ber þó að geta að í ár var könnun Gallups gerð í vor­mán­uð­inum apríl, sem var sá hlýjasti á öld­inni, en fyrri kann­anir voru gerðar í októ­ber, nóv­em­ber og des­em­ber, með meiri og vax­andi dimmu.