Í morgun hófst aðalmeðferð í máli Elds Smára Kristinssonar, fyrrum formanni Samtakanna 22, gegn RÚV og Bergsteini Sigurðssyni fréttamanni.
Forsaga málsins er sú að Eldur var frambjóðandi Lýðræðisflokksins sem bauð fram í Alþingiskosningum í fyrra og var oddviti flokksins í Norðausturkjördæmi.
Í þættinum ræddi Bergsteinn við Arnar Þór Jónsson, formann Lýðræðisflokksins, um Eld.
„Tölum einmitt um þjóna og þá sem þið veljið til þjónustu. Oddviti flokksins í Norðausturkjördæmi, Eldur Smári Kristinsson, hann er formaður Samtakanna 22, samtaka sem hafa verið sökuð um að ala á andúð í garð trans fólks, hefur verið fjarlægður af lögreglu úr grunnskóla fyrir að mæta þar í leyfisleysi, og mynda starfsfólk og börn, hann hefur sakað þau sem berjast fyrir réttindum trans fólks um barnaníð, þar á meðal nafngreinda íslenska baráttukonu, hann hefur líka þrástagast um að hún sé karl, farið mjög klúrum og ruddalegum orðum um kynfæri hennar á opinberum vettvangi…“
Eldur var ekki sáttur við þessi ummæli og fór fram á að RÚV greiddi honum miskabætur og er málið nú komið á borð Héraðsdóms Reykjavíkur.
Fór fyrir meintum haturssamtökum
Vert er að nefna að Samtökin 22 hafa verið kölluð haturssamtök af fólki sem stendur með trans samfélaginu en samtökin breyttu nýverið nafni sínu í LGB Samtökin. Samtökin segjast hins vegar vera baráttusamtök fyrir homma og lesbíur en tæplega 300 samkynhneigðir einstaklingar skrifuðu undir bréf árið 2023 þar sem var sagt að samtökin töluðu ekki fyrir hönd þeirra og væru ekki í raun ekki hagsmunasamtök fyrir samkynhneigt fólk.
Eldur var sömuleiðis sakaður um að hvatt Uglu Stefaníu Kristjönu Jónsdóttur, trans konu og aktívista, að fremja sjálfsvíg en hann neitaði því viðtali við Heimildina.
Reykjavíkurborg tilkynnti Eld Smára til lögreglunar á höfuðborgarsvæðinu fyrir að mæta í Langholtsskóla í leyfisleysi og taka starfsfólk upp á myndband árið 2023. Þá kærðu Samtökin 78 Eld Smára í fyrra fyrir sjö ummæli sem hann hefur látið falla á undanförnum árum.
Athugasemdir