Glæsilegt einbýlishús við Sörlaskjól 18 í Vesturbæ Reykjavíkur hefur verið sett á sölu, en ásett verð er 245 milljónir króna.
Húsið, sem var byggt árið 1947, er samtals 282,1 fermetri að stærð og stendur á eftirsóttum stað örstutt frá sjávarsíðunni.
Eignin skiptist meðal annars í tvær samliggjandi stofur, eldhús, fimm svefnherbergi og þrjú baðherbergi. Í kjallara hefur jafnframt verið útbúin stúdíóíbúð sem getur hentað vel til útleigu eða fyrir gesti.
Með húsinu fylgir rúmgóður tvöfaldur bílskúr, 42,9 fermetrar að stærð, auk mjög stórs bílaplans fyrir framan hann. Svalir snúa til suðvesturs og bjóða upp á góða sól, en garðurinn er gróinn og hefur nýlega verið útbúinn með timburverönd sem eykur útivistarmöguleika.
Staðsetningin þykir sérstaklega eftirsóknarverð, þar sem stutt er í helstu þjónustu á borð við verslanir, sundlaug og kaffihús, auk þess sem útivist við sjóinn er í næsta nágrenni.
Athugasemdir