Maður varð fyrir hrottalegri hópárás ungmenna

Lögregla hafði í nógu að snú­ast í nótt og sinnti fjölda verk­efna víðs vegar um umdæmið. Nokkrir ein­stak­lingar voru hand­teknir vegna gruns um akstur undir áhrifum áfengis og fíkni­efna, auk ann­arra brota.

Margir öku­menn hand­teknir grun­aðir um ölv­un­arakstur og fíkni­efna­akstur. Í nokkrum til­vikum reynd­ust við­kom­andi jafn­framt vera sviptir öku­rétti eða aldrei hafa öðl­ast öku­rétt­indi. Í öllum slíkum málum var farið eftir hefð­bundnu ferli lög­reglu. Þá voru tvær konur meðal þeirra sem hand­teknar voru vegna fíkni­efna­akst­urs, en báðar reynd­ust einnig vera sviptar öku­rétti.

Einnig voru nokkur umferð­ar­laga­brot afgreidd á vett­vangi, þar á meðal hraðakstur þar sem öku­menn óku á allt að 116 km/klst á 80 km/klst götu. Þá var maður kærður fyrir að aka bif­reið á VSK-núm­erum í einka­er­inda­gjörðum.

Lögregla hafði afskipti af nokkrum málum er varða ofbeldi. Tvö voru hand­tekin og vistuð í fanga­klefa grunuð um lík­ams­árásir og hót­anir. Þá var til­kynnt um hóp ung­menna sem veitt­ust að manni, en árás­ar­þoli hlaut alvar­legt lík­ams­tjón. Eitt ung­menni var hand­samað og er málið unnið í sam­vinnu við barna­vernd og er í rann­sókn. Í öðrum málum var til­kynnt um lík­ams­árásir þar sem bæði ger­endur og þolendur voru ung­menni, og eru þau mál til rann­sóknar. Einn ein­stak­lingur var fluttur á slysa­deild með áverka eftir meinta lík­ams­árás.

Þá var til­kynnt um tvö inn­brot með stuttu milli­bili. Inn­brots­þjóf­ur­inn var hand­samaður skammt frá vett­vangi og vistaður í fanga­klefa í þágu rann­sóknar.

Í öðrum verk­efnum var stúlka kærð fyrir að fram­vísa fölsuðum skil­ríkjum í þeim til­gangi að kom­ast inn á skemmti­stað. Maður var kærður fyrir brot á lögum um vel­ferð dýra eftir að hafa verið stað­inn að því að sparka í hund sinn. Hund­ur­inn var tek­inn af mann­inum og komið í við­eig­andi athvarf.

Lögregla sinnti einnig til­kynn­ingu um eld í bif­reið, auk þess sem maður var hand­tek­inn fyrir óspektir í mið­borg­inni. Annar var hand­tek­inn fyrir þvag­lát á almanna­færi í við­ur­vist lög­reglu og var vistaður í fanga­klefa þar sem hann var met­inn ófær um að ann­ast eigin hags­muni sökum ölv­unar.