„Við hlökkum til samstarfsins fram undan“

Þórdís Kolbrún Reyk­fjörð Gylfa­dóttir hefur stigið fyrsta form­lega skrefið í nýju emb­ætti sínu sem sendi­herra Íslands í Bret­landi.

Sendiráð Íslands í Bret­landi greinir frá þessu og býður Þórdísi Kolbrúnu hjart­an­lega vel­komna til starfa.

Þórdís Kolbrún afhenti nýverið afrit af trún­að­ar­bréfi sínu til prótokoll­skrif­stofu breska utan­rík­is­ráðu­neyt­is­ins. Um er að ræða venju­bundið skref í aðdrag­anda þess að nýr sendi­herra tekur form­lega til starfa í við­kom­andi ríki.

Næsta skref er að trún­að­ar­bréfið verði form­lega afhent þjóð­höfð­ingja Bret­lands. Afhend­ing afrits­ins til utan­rík­is­ráðu­neyt­is­ins gerir Þórdísi Kolbrúnu þó kleift að hefja form­leg emb­ætt­is­störf sín sem sendi­herra Íslands í land­inu.

„Við hlökkum til sam­starfs­ins fram undan,“ segir í til­kynn­ingu sendi­ráðs­ins.

Þórdís Kolbrún hefur á und­an­förnum árum gegnt fjöl­mörgum ráð­herra­emb­ættum. Hún var meðal ann­ars utan­rík­is­ráð­herra Íslands og fjár­mála- og efna­hags­ráð­herra, auk þess að hafa gegnt emb­ætti ferða­mála-, iðn­aðar- og nýsköp­un­ar­ráð­herra.