Morgunblaðið hefur verið rekið með miklu tapi um langt árabil og einu sinni farið í himinhátt gjaldþrot þar sem milljarðar féllu á banka og fólk. Ekkert lát er á taprekstrinum sem eigendurnir réttlæta með þeim ávinningi sem fáist af áróðri fréttadeildar Morgunblaðsins og þeirra sem þar ráða för. Moggamenn hampa því að sigur Nei-sinna í ESB-málunum sé ekki síst að þakka þeim sem ýttu undir falsfréttir og hræddu líftóruna úr bændum og fengu þá til að leggja heyrúllur sínar í stríðið.
Guðbjörg Matthíasdóttir, auðkona úr Vestmannaeyjum og meirihlutaeigandi Moggans, er sögð alsæl með sína menn og borgar tapið áfram. Þórólfur Gíslason, kaupfélagsstjóri á Sauðárkróki og einn meðhjálpara Guðbjargar, er aftur á móti sagður vera hugsi vegna óráðssíunnar og þreyttur á að vera stöðugt að greiða meðlag. Hann mun hafa komið inn í eigendahópinn vegna frænda síns, Davíðs Oddssonar ritstjóra sem lést á þessu ári. Haft var eftir honum að hann myndi styrkja fjölmiðilinn á meðan Davíðs nyti við. Hann gæti því verið á förum og þyngjast þá byrðar Guðbjargar enn frekar ...
Athugasemdir