Lögreglan sinnti nokkrum útköllum og verkefnum á síðustu vakt þar sem meðal annars komu upp fíkniefnamál, umferðarlagabrot, líkamsárás, þjófnaður og eignaspjöll.

Ökumaður var stöðvaður í umferðareftirliti eftir að hann sást nota farsíma við akstur. Við afskipti lögreglu vaknaði grunur um að maðurinn kynni einnig að vera viðriðinn fíkniefnasölu. Hann var handtekinn og vistaður í þágu rannsóknar málsins. Við leit á honum fundust fíkniefni.

Annar ökumaður var stöðvaður fyrir of hraðan akstur eftir að hafa mælst á 119 km/klst þar sem hámarkshraði er 80 km/klst.

Tilkynning barst lögreglu um líkamsárás og fóru lögreglumenn á vettvang þar sem rætt var við þolanda og málið skráð.

Lögregla var einnig kölluð til vegna þjófnaðar í tvígang. Í báðum tilvikum var málið leyst á vettvangi með skýrslutöku.

Þá var tilkynnt um rúðubrot í verslun þar sem maður hafði brotið rúðu. Sá hafði áður verið að áreita starfsfólk verslunarinnar.