Áslaug Kristjánsdóttir, brautryðjandi í málefnum fatlaðra innan hestamennsku, er látin, 76 ára að aldri.
Akureyri.net greindi frá andláti hennar.
Áslaug fæddist í Reykjavík 5. maí 1950 en ólst upp á bænum Leyningi í Saurbæjarhreppi eftir að fjölskylda hennar flutti þangað þegar hún var ung að aldri.
Hestamennska var hennar helsta ástríða og lagði hún um áratugaskeið sitt af mörkum til að gera íþróttina aðgengilega öllum. Ásamt Jónsteini Aðalsteinssyni stóð hún fyrir námskeiðum í hestamennsku fyrir fatlaða á Akureyri og í Eyjafjarðarsveit og var þar meðal frumkvöðla á sínu sviði.
Áslaug starfaði meðal annars á Sólborg, Hæfingastöðinni, sambýlum og íbúakjörnum fyrir geðfatlaða, auk þess sem hún vann sem stuðningsfulltrúi við Verkmenntaskólann á Akureyri.
Fyrir störf sín hlaut hún meðal annars silfurmerki Léttis og gullmerki Landsambands hestamanna og Íþróttabandalags Akureyrar.
