Baldvin Þór Gunnþórsson hefur verið dæmdur í fangelsi fyrir stórfellt fíkniefnalagabrot en dómur þess efnis var birtur í dag.

Hann var ákærður fyirr að hafa, föstudaginn 17. nóvember 2023, staðið að innflutningi á 167 stykkjum af Metylfenidat Actavis, 587 grömmum af Stilnoct, 674 stykkjum af Zopiklon Mylan, 80 stykkjum af Metylfenidat Actavis, 90 stykkjum af 50 mg Metylfenidat Actavis, 42 stykkjum af 80 mg OxyContin, 52 stykkjum af Tafil og 207 stykkjum af 60 mg Medikinet, ætluðum til dreifingar hér á landi í ágóðaskyni en ávana- og fíknilyfin flutti ákærði til Íslands í farangri sínum þegar hann kom til landsins með flugi frá London, þar sem hann millilenti á leið sinni frá Tenerife.

Baldvin játaði brot sitt en hann hefur áður gerst sekur um ýmiss konar brot áður. Verjandi Baldvins sagði frá því að hann hefði farið í meðferð og væri hættur allri fíkniefnaneyslu og sinnti endurhæfingu af fullum krafti en ekki voru lögð fram gögn þessu til staðfestingar.

Hann var dæmdur í 10 mánaða óskilorðsbundið fangelsi og til að greiða málsvarnarþóknun skipaðs verjanda síns og sakarkostnað.