Raunveruleikastjarnan og tónlistarmaðurinn Bassi Maraj hefur verið sakfelldur fyrir líkamasáras á leigubílstjóra en DV greinir frá þessu.

Í ákærunni kom fram að Bassi hafi veist að leigubílstjóra í Bryggjuhverfinu í Árbænum þann 11. febrúar 2023 með ofbeldi. Hann hafi bitið í hnakka hans og vinstri öxl, kýlt hann með krepptum hnefa í ennið, tekið hann kverkataki og vafið snúru úr greiðsluposa um háls leigubílstjórans með þeim afleiðingum að bílstjórinn hlaut tognun á hálsi, blæðingu undir slímhúð hægra auga, bitför og mar á hægri öxl og upphandlegg auk yfirborðsáverka á háls og vinstri úlnlið.

Bassi var sakfelldur fyrir líkamsárás samkvæmt ákæru en sýknaður af því að hafa kýlt brotaþola og hert að hálsi hans en hann hafi ekki haft ásetning um að meiða bílstjórann.

Samkvæmt DV var Bassi dæmdur í 30 daga skilorðsbundið fangelsi. Þá þarf hann einnig dæmdur til að greiða brotaþola 150 þúsund krónur í miskabætur og rúmlega 167 þúsund krónur í málskostnað.