Guðmundur Ágúst Ágústsson hefur verið dæmdur í fangelsi í Héraðsdómi Reykjavíkur en dómur þess efnis var nýlega birtur.

Guðmundur var ákærður fyrir líkamsárás með því að hafa, fimmtudaginn 14. september 2023, innandyra á skemmtistað við Bankastræti í Reykjavík, veist með ofbeldi að manni, og slegið hann í andlitið með krepptum hnefa, með þeim afleiðingum að hann hlaut bólgu og mar á efri vör og blóðnasir.

Hann játaði brot sitt en samkvæmt dómnum hefur hann verið dæmdur áður fyrir líkamsárás á Íslandi en það var árið 2024. Svo hefur hann verið dæmdur í fangelsi á Íslandi og Þýskalandi fyrir önnur minniháttar brot.

Guðmundur var dæmdur í 60 daga fangelsi og dómurinn skilorðsbundinn til tveggja ára.