Fimm flugumferðarstjórar hafa misst vinnu sína hjá Isavia eftir að hafa verið uppvísir að brotum í starfi.

Kemur fram að í stað þess að sitja við vinnu sína skráðu flugumferðarstjórarnir tíma á sig sem aðrir höfðu unnið.

Isavia sendi frá sér fréttatilkynningu vegna málsins og þar kemur fram að málið hafi nú þegar verið tilkynnt til Samgöngustofu; og sé einnig ennþá til rannsóknar hjá stofnuninni.

Mjög skýr lög og reglur gilda um flugleiðsögu og hæfi flugumferðarstjóra - sem Samgöngustofa hafi einmitt eftirlit með, og allt miðar þetta að því að tryggja örugga flugleiðsögu og traust á henni.

Segir að við innri skoðun hjá Isavia hafi komið á daginn að fimm flugumferðarstjórar voru með skráða tíma í vinnustöðu er aðrir höfðu unnið. Í framhaldi af þessu kom á daginn að fimm flugumferðarstjórar höfðu ekki uppfyllt skilyrði um lágmarkstímafjölda um setu í vinnustöðu; hafi því ekki verið með gild leyfi til að sinna flugumferðarstjórn.

Isavia segir að þeir fimm flugumferðarstjórar sem uppfylltu ekki kröfur um lágmarkstíma í vinnustöðu hafi verið sagt upp störfum; öðrum er tóku þátt í brotunum með þeim verða veitt áminning eða alvarlegt tiltal.

Eftir mikla skoðun Isavia á málinu tekur fyrirtækið ljóst að brotin ná eingöngu til afmarkaðs hóps flugumferðarstjóra: Hjá fyrirtækinu starfa um 300 manns.

Stefnir fyrirtækið að því ásamt starfsfólki að horfa innávið; styrkja ferla og koma í veg fyrir að sambærileg atvik endurtaki sig.