Dómsmáli Fjólu Sigurðardóttur og Davíðs Goða Þorvaldssonar gegn Eddu Falak er lokið en RÚV greinir frá þessu. Þau unnu saman að hlaðvarpsþættinum Eigin Konur sem naut vinsælda fyrir nokkrum árum. Davíð Goði og Fjóla sögðu Eddu hafa svikið sig og skulda sér háar fjárhæðir. Þá hafa þau gefið í skyn að Edda hafi beitt sig andlegu ofbeldi.

Málinu lauk með dómssátt í Héraðsdómi Reykjavíkur í gær. Sigurður Kári Kristjánsson, lögmaður Fjólu og Davíðs, staðfesti niðurstöðuna við RÚV. Samkvæmt honum ríkir trúnaður um sáttina í málinu.

Fyrr á árinu sagði lögmaður Eddu að Davíð og Fjólu færu fram á að fá 30 milljónir króna frá Eddu. „Þær tekjur sem komu inn á samstarfstíma aðila voru samtals um 2,5 milljónir, eins og gögn bera glögglega með sér. Edda hefur frá upphafi verið tilbúin að greiða þeim stærstan hluta allrar þeirrar fjárhæðar en boð hennar hafa að mestu mætt þögninni og síðar auknum kröfum,“ sagði Sigrún Jóhannsdóttir, lögmaður Eddu Falak, við Vísi um málið.