Einn er látinn eftir að eldur kviknaði í íbúð fjölbýlishúss í vesturbæ Reykjavíkur í morgun, samkvæmt tilkynningu frá lögreglu.

Tilkynning um eldinn barst kl. 10.10 í morgun en þrír voru í íbúðinni. Annar þeirra sem fluttir voru á slysadeild, er alvarlega slasaður. Mikill viðbúnaður var á vettvangi, en síðan tók við eldsupptakarannsókn tæknideildar lögreglu.

Í frétt RÚV af málinu var haft eftir vitnum að sprenging hefði heyrst áður en eldurinn braust út.

Lögreglan getur ekki veitt frekari upplýsingar um málið að svo stöddu.