Alþjóðaknattspyrnusambandið FIFA hefur fellt niður bókanir á þúsundum hótelherbergja sem höfðu verið frátekin fyrir heimsmeistaramótið í knattspyrnu í Fíladelfíu síðar á þessu ári, án þess að skýra ástæðuna.

Samkvæmt samtökum hótela í Fíladelfíu hafa um 2.000 herbergi verið afbókuð, en áður hafði verið haldið frá um 10.000 herbergjum fyrir mótið. Þá er talið að samtökin hafi einnig fellt niður 800 hótelbókanir í Mexíkóborg.

Ed Grose, formaður samtakanna, sagði í samtali við ABC 6 að meirihluti afbókananna hafi verið á fjórum hótelum í miðborginni. Hann bætti við að FIFA hefði ekki gefið upp ástæðu fyrir ákvörðuninni, en hafi þó starfað innan samningsskilmála og því ekki þurft að greiða sektir vegna afbókananna.

Fjölmiðillinn The Independent hefur sent spurningar á stjórn FIFA en ekki fengið svör enn.