Í dagbók lögreglu frá því í nótt er greint frá því að einn maður í Breiðholti hafi verið fluttur á bráðamóttöku vegna veikinda og er málið tengt við tilkynningu um skemmdarverk sem lögreglan fékk. Ekki liggja fyrir nánari upplýsingar um það.

Einn einstaklingur datt af rafhlaupahjóli í miðbænum en viðkomandi reyndist ómeiddur. Þá var einnig tilkynnt um skemmdarverk í miðbænum en þá hafði einhver brotið rúðu. Ekki liggur fyrir hver gerandinn er.

Ökumaður í Árbænum var stöðvaður grunaður um akstur undir áhrifum fíkniefna og annar ökumaður var stöðvaður í Breiðholti grunaður um akstur undir áhrifum áfengis.