Í dagbók lögreglu er greint frá því að tilkynnt hafi verið um slagsmál milli þriggja aðila í miðbæ Reykjarvíkur. Einn var fluttur á bráðamóttöku til frekari aðhlynningar en aðrir gengu sína leið.

Tilkynnt var um þrjú ungmenni sem brutu rúðu á bifreið, tvö ungmenni náðust en eitt slapp. Rætt var við ungmennin á vettvangi að sögn lögreglu.

Tilkynnt var um aðila sem féll af rafmagnshlaupahjóli, lögregla fór á vettvang ásamt sjúkraliði.

14 ára barn var stöðvað fyrir að aka án löglegra ökuréttinda. Það var flutt á lögreglustöð og barnavernd kom og tók við barninu því ekki náðist í foreldra.

Þá var tilkynnt um mann á sveppum að ónáða fólk. Lögregla fór á vettvang og bað manninn að fara og vera til friðs, sem hann gerði.

Einstaklingur tilkynnti lögreglu að grímuklæddir menn væru að elta hann og endar á því að fara í flog. Hann var fluttur á bráðamóttöku til frekari aðhlynningar, grímuklæddu mennirnir fundust ekki.

Hjólreiðamaður var fluttur á bráðamóttöku með sjúkraliði eftir að hann datt af reiðhjóli.