Benedikt Valsson, betur þekktur sem Hraðfrétta-Benni, hefur stofnað fyrirtækið Góð Stund ehf.

Benedikt situr einn í stjórn félagsins en Heiða Björk Ingimarsdóttir, maki hans, er varamaður í stjórn. Þá er Benedikt framkvæmdastjóri félagsins og fer með prókúruumboð.

Tilgangur félagsins er að annast framleiðslu á sjónvarpsefni og kvikmyndum. Hvort sem það er í upphafi framleiðsluferli eða í eftirvinnslu. Þá er einnig áhersla á handritagerð og huglægari þætti sem tengjast kvikmyndagerð.

Athygli vekur að Fannar Sveinsson er skoðunarmaður félagsins en hann stofnaði Hraðfréttir með Benedikt.

Hraðfréttir byrjuðu upphaflega á vefsíðu Morgunblaðsins árið 2012 en færðu sig fljótlega yfir á RÚV þar sem þættirnir voru með þeim vinsælustu á landinu.