Bandaríska íshokkífréttakonan Jessi Pierce lést ásamt þremur börnum sínum í húsbruna þann 21. mars. Hún var 37 ára gömul.

Pierce starfaði lengi sem fréttamaður um NHL-deildina og fjallaði meðal annars um liðið Minnesota Wild. Börn hennar, Hudson, Cayden og Avery, létust einnig í brunanum.

Í yfirlýsingu frá NHL-deildinni segir:

„Öll fjölskylda National Hockey League sendir bænir sínar og innilegar samúðarkveðjur til Pierce-fjölskyldunnar vegna fráfalls Jessi Pierce og þriggja ungra barna hennar. Jessi elskaði íshokkíið og var vel metinn meðlimur NHL.com teymisins í áratug. Við munum sakna hennar sárt.“

Slökkvilið var kallað að einbýlishúsi í White Bear Lake í Minnesota eftir að nágrannar sáu eld loga út um þakið. Þegar viðbragðsaðilar komu á vettvang fundust kona, þrjú börn og hundur látin inni í húsinu.

Rannsókn stendur yfir á orsök brunans á vegum slökkviliðsyfirvalda í Minnesota.