Attentus – mannauður og ráðgjöf hefur ráðið Hrefnu Thoroddsen í starf framkvæmdastjóra félagsins, en hún er með meistarapróf í alþjóðaviðskiptum frá Copenhagen Business School.

Attentus – mannauður og ráðgjöf hefur ráðið Hrefnu Thoroddsen í starf framkvæmdastjóra félagsins. Hrefna býr yfir yfirgripsmikilli reynslu á sviði mannauðsmála og kemur til Attentus frá Sidekick Health ehf.

Þar gegndi hún stöðu mannauðsstjóra frá árinu 2021 en áður hafði hún verið mannauðsstjóri hjá Íslenskri erfðagreiningu (2016-2020) og hjá Össuri í nærri níu ár (2008-2016), bæði í mannauðsdeild og sem vörustjóri.

Hrefna er viðskiptafræðingur frá Háskóla Íslands og með meistarapróf í alþjóðaviðskiptum (International Business) frá Copenhagen Business School.

Í tilkynningu segir að með þessari ráðningu styrki Attentus stöðu sína enn frekar sem ráðgjafarfyrirtæki í mannauðsmálum og stefnumótun.