Ef fólk efaðist um ósætti innan borgarstjórnarflokks Sjálfstæðisflokksins þá sló Kjartan Magnússon borgarfulltrúi heldur betur á þann efa í grein í Morgunblaðinu í dag en þar ákvað hann að sparka í oddvita sinn áður en hann missir sæti sitt í borgarstjórn.

Segir hann berum orðum að þeir borgarfulltrúar sem hafi mest sig upp á móti Borgarlínunni hafi annaðhvort fengið sparkið eða lélegt sæti á lista flokksins í komandi kosningum.

Nokkuð óvenjulegt verður að teljast að sitjandi borgarfulltrúi opni sig svona á gátt þegar stutt er í kosningar, þó hann sé á útleið, og er greinilegt að mikil gremja hefur fengið að krauma á kjörtímabilinu. Það verður áhugavert að fylgjast með hvort Hildur Björnsdóttir, oddviti Sjálfstæðisflokksins í Reykjavík, muni sparka í Kjartan til baka eða hvort hún læti sparkið af listanum duga ...