Leikkonan Steinunn Ólína Þorsteinsdóttir gagnrýnir íslenskt stjórnmálaumhverfi í nýlegri Facebook-færslu, sem hún lýsir sem „eftirlíkingu af lýðræðisríki“. Hún segir kerfið úrelt og skakkt, ætlað að vernda hina ríku og stilla almenning í biðröð eftir sanngirni stjórnmálanna.

Í færslunni dregur Steinunn Ólína einnig fram dæmi frá Bandaríkjunum, þar sem hún segir að forseti Donald Trump hafi sýnt fram á veikleika kerfisins með því að hunsa reglur. Hún heldur því fram að reglur í Vesturlöndum séu fyrst og fremst tól valdsins, sveigjanlegar eftir hentugleika þeirra sem eru við völd.

„Íslenskir stjórnmálamenn hafa líka lært leikinn: sveigt lögin að sér, varið eigin stöður, boðið upp á hollustu við vald í stað þjónustu við almenning. Þeir leika ,,regluleikinn“ – reglur eru fyrir smælingja en undanþágur og tilslakanir eru fyrir yfirvöld,“ skrifar hún.

Leikkonan leggur áherslu á að reglur séu ekki heilagar og segir tímabært að endurskrifa þær, eða jafnvel farga þeim gömlu til að skapa eitthvað nýtt og betra.