Karlmaður um fertugt var í dag í Héraðsdómi Reykjavíkur úrskurðaður í vikulangt gæsluvarðhald, eða til 29. maí, vegna hnífstunguárásarinnar í Úlfarsárdal um miðjan dag í gær. Þetta kemur fram í tilkynningu frá lögreglunni.

Var maðurinn úrskurðaður í gæsluvarðhald á grundvelli rannsóknarhagsmuna að kröfu lögreglunnar á höfuðborgarsvæðinu, í þágu rannsóknar hennar á alvarlegri líkamsárás í Úlfarsárdal um miðjan dag í gær.

Brotaþolinn, karlmaður á fimmtugsaldri, var fluttur á slysadeild og er líðan hans eftir atvikum.

Lögreglan getur ekki veitt frekari upplýsingar að svo stöddu.