26 ára karlmaður hefur verið ákærður fyrir vopnalagabrot og eru brotin tvö talsins.

Hann er ákærður fyrir vopnalagabrot með því að hafa, sunnudaginn 17. mars 2024, í búningsklefa Sundlaugarinnar í Kópavogi að Borgarholtsbraut 17 í Kópavogi, haft í vörslum sínum tvo hnífa, annan með 13 cm blaði og hinn með 16 cm blaði, sem hann framvísaði við afskipti lögreglu.

Þá var hann einnig ákærður fyrir vopnalagabrot með því að hafa, laugardaginn 23. mars 2024, í verslun Hagkaups að Skeifunni 15 í Reykjavík, haft í vörslum sínum tvo hnífa í hulstri með 9 cm blaði, sem hann framvísaði við afskipti lögreglu.

Þess er krafist að ákærði verði dæmdur til refsingar og til greiðslu alls sakarkostnaðar. Jafnframt er krafist upptöku á tveimur hnífum og tveimur hnífum í hulstri.

Málið verður tekið fyrir í Héraðsdómi Reykjavíkur í mars.