Matvælastofnun hafa borist upplýsingar í gegnum alþjóðlegt viðvöruarkerfi um víðtæka innköllun á (þurrmjólk í Bandaríkjunum en MAST greinir frá þessu í tilkynningu.

Um er að ræða vöru með heitinu „Whole Nutrition Infant formula“ frá framleiðandanum ByHeart Inc. Ástæða innköllunar er að þurrmjólkin hefur verið tengd við tilfelli bótúlisma í ungbörnum. Veikindi hafa í einhverju tilfellum verið alvarleg.

Umrædd vara er ekki í almennri dreifingu hér á landi eftir því sem Matvælastofnun hefur upplýsingar um. En mögulegt er að einstaklingar hafi keypt vöruna í netverslun og vill Matvælastofnun því koma þessum upplýsingum á framfæri við foreldra og umönnunaraðila ungbarna og ráðleggja þeim frá notkun.