Matvælastofnun (MAST) varar við neyslu á vörunni „Gamaldags kleinuhringir súkkulaði 4 stk“ frá Lindabakarí fyrir þá sem eru með eggjaofnæmi.

Kleinuhringirnir innihalda egg í meira magni en það snefilmagn sem fram kemur á pakkningu, en um er að ræða vanmerkingu á innihaldi vörunnar.

Fyrirtækið hefur hafið innköllun vörunnar í samráði við Heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarness.

Upplýsingar um vöruna:

• Vörumerki: Lindabakarí
  
• Vöruheiti: Gamaldags kleinuhringir súkkulaði 4 stk
  
• Framleiðandi: Lindabakarí
  
• Dreifing: Verslanir Hagkaups

MAST hvetur alla sem eru með eggjaofnæmi til að neyta ekki vörunnar.