Fjölskylda Friðfinns Freys Kristinssonar óskar eftir því að dómstólar úrskurði hann látinn en stefna þess efnis birtist í Lögbirtingablaðinu. Verður málið tekið fyrir í Héraðsdómi Reykjavíkur.

Málsatvik eru þannig að þann 10. nóvember 2022, um kl 19:40, hafi Friðfinnur Freyr yfirgefið heimili sitt að Kuggavogi. Fjórum dögum síðar, hinn 14. nóvember 2022, hafi móðir Friðfinns gefið skýrslu hjá lögreglu, þar sem hún óskaði eftir því að formlega leit yrði hafin að Friðfinni, sem þá hafði verið saknað síðan að kvöldi dags hinn 10. nóvember en mikið var fjallað um hvarf Friðfinns í fjölmiðlum.

Þá hafi hún greint frá því við skýrslugjöfina, að Friðfinnur hefði sagt sambýliskonu sinni að hann hygðist taka eigið líf. Í kjölfarið hafi lögreglan lýst eftir Friðfinni og leit að honum verið hafin.

Umfangsmikil leit lögreglu og fleiri viðbragðsaðila í lofti, á landi og í sjó hafi ekki borið árangur. Hinn 8. desember 2022, hafi verið talið einsýnt af lögreglu að Friðfinnur Freyr hefði farið í sjóinn við Drómundarvog og látist.

Hinn 4. janúar 2023 var fallist á kröfu efnis að um bú Friðfinns færi sem hann væri látinn. Fallist hafi verið á kröfuna með úrskurði dómsins hinn 12. janúar 2023