Ragnar Hall, einn þekkasti lögmaður Íslands, hefur lagt inn málflutningsréttindi sín og eru þau nú óvirk en þetta kemur fram í Lögbirtingablaðinu.

Ragnar lauk embættisprófi í lögfræði frá Háskóla Íslands í október 1975 og fór að vinna sem fulltrúi sýslumanns og bæjarfógeta á Eskifirði. Árið 1980 var hann gerður að bæjarfógeta í Reykjavík árið 1980 og sinnti því starfi til 1992.

Eftir það starfaði hann sem hæstaréttarlögmaður. Á ferlinum hefur hann verið settur ríkissaksóknari og ríkislögreglustjóri. Þá var hann prófdómari og stundakennari við lagadeild Háskóla Íslands frá 1988 til ársins 2003.