Glæsilegt steinsteypt einbýlishús á tveimur hæðum við Funafold 71 er komið á sölu.

Um er að ræða 347,6 fermetra eign sem reist var árið 1986 og hefur verið í eigu sömu fjölskyldu frá upphafi. Ásett verð er 263 milljónir króna og er húsið til afhendingar við kaupsamning.

Húsið stendur á hornlóð og er byggt eftir teikningum Kjartans Sveinssonar. Það er sagt vera í mjög góðu ástandi að utan, þó að þakið sé komið að málun. Lóðin er fullfrágengin með gróðri, góðum bílastæðum og sólpalli á baklóð sem nýtur skjóls.

Á neðri hæð er afar rúmgóður tvöfaldur bílskúr ásamt tveggja herbergja aukaíbúð með sérinngangi, sem býður upp á möguleika til útleigu eða fyrir fjölskyldumeðlimi. Inngangur að efri hæð er af neðri hæð um forstofu og hol.

Eignin sameinar rúmgott fjölskylduhúsnæði og tekjumöguleika í vinsælu hverfi í Grafarvogi og gæti því vakið athygli bæði stórra fjölskyldna og þeirra sem leita að húsnæði með aukaíbúð