Leikkonan Lindsay Lohan og fjölskylda hennar eru óhult eftir loftárásir Írans á Dúbaí, samkvæmt heimildum slúðurmiðilsins TMZ.

Samkvæmt heimildum miðilsins eru eiginmaður hennar, Bader Shammas, og sonur þeirra, Luai, einnig heilir á húfi þrátt fyrir spennuástand á svæðinu.

Lohan hefur búið í Dubai síðan árið 2015. Hún og Shammas hófu samband árið 2020, trúlofuðust ári síðar og gengu í hjónaband árið 2022. Árið eftir eignuðust þau son sinn. Leikkonan hefur áður lýst því yfir að hún kunni vel við að búa í borginni og njóti þar „kyrrðar og friðar“ fjarri ágangi ljósmyndara.

Árásirnar koma í kjölfar stigmagnandi átaka í Miðausturlöndum. Íran hefur gert gagnárásir eftir að Bandaríkin og Ísrael réðust með eldflaugum á landið.

Á sunnudag greindu írönsk ríkisfjölmiðlar frá andláti æðstaklerks landsins, Ayatollah Ali Khamenei, sem gegndi embætti leiðtoga Írans frá árinu 1981 og þar til hann lést.