Michael Mulroy, fyrrverandi aðstoðarvarnarmálaráðherra Bandaríkjanna segir ólíklegt að Íran muni „fylgja“ kröfum Bandaríkjanna, jafnvel eftir að leiðtogi landsins var drepinn í loftárásum í gær. Mulroy sagði þetta í viðtali við Al Jazeera, þar sem hann bar saman aðstæður í Íran og þeim í Venezuela eftir tilraun Bandaríkjanna til að kollvarpa stjórninni þar.

Hann sagði aðstæðurnar í Íran væru „ólíkur leikur“ vegna þess að valdakerfið þar væri mun flóknara en í Venesúela, þar sem stjórn Nicolas Maduro héldi landinu saman á viðkvæmum grunni. Í Íran sé ekki aðeins æðsti leiðtogi sem miðpunktur valds heldur mörg valdahöfuð í trúarlegum, hernaðarlegum og leynilegum stofnunum.

Um viðbrögð Írana sagði Mulroy að landið myndi lítið sem ekkert fara að kröfum Bandaríkjanna, jafnvel þótt æðstiklerkurinn væri fallinn. „Þeir munu, út frá því sem þeir eru að segja núna, meðal annars nýjustu yfirlýsingum, frekar auka átök og í raun breyta svæðinu í algjöran stríðsvettvang, sem veldur miklum sársauka, ekki aðeins Bandaríkjunum heldur líka Persaflóaríkjunum í grenndinni,“ sagði Mulroy.

Mulroy benti einnig á þann hernaðarmátt sem Íran býr yfir, sérstaklega hernaðarhugbúnað eins og drónum sem hafa verið notaðir í árásum á byggingar í Dubai og Bahrain. Hann sagði að Íran geti framleitt slíkar dróna í stórum stíl og hafi jafnvel á árum saman útvegað Rússum þá, sem sé vandmál.

„Auðvitað er almennt frekar auðvelt að skjóta slíka niður,“ sagði Mulroy, „en við höfum séð marga þeirra komast í gegn. Ég veit ekki hvort það var vegna þess að þeir földu þá, í þeim skilningi að þeir sendu svo marga að það var erfitt að eiga við þá alla í einu Það er það sem virðist hafa gerst í Sameinuðu furstadæmunum, og það er líklega stærsta ógnin þeirra.“