Steingrímur Ari Arason hagfræðingur og fyrrverandi forstjóri Sjúkratrygginga Íslands og Lánasjóðs íslenskra námsmanna er látinn, 72 ára að aldri.
Morgunblaðið greinir frá andláti hans.
Steingrímur fæddist í Reykjavík 31. desember árið 1953. Hann lauk stúdentsprófi frá Menntaskólanum í Reykjavík árið 1973, viðskiptafræðiprófi frá Háskóla Íslands árið 1979 og mastersprófi í hagfræði frá Háskólanum í Uppsölum í Svíþjóð árið 1983.
Á starfsferli sínum gegndi Steingrímur fjölmörgum ábyrgðarstörfum hjá hinu opinbera. Hann starfaði meðal annars hjá Verslunarráði Íslands og var síðar aðstoðarmaður Friðriks Sophussonar þáverandi fjármálaráðherra. Þá var hann framkvæmdastjóri Lánasjóðs íslenskra námsmanna frá 1998 og tók við embætti forstjóra Sjúkratrygginga Íslands árið 2008, sem hann gegndi til ársins 2018.
Eftirlifandi eiginkona hans er Linda Rós Michaelsdóttir. Börn þeirra eru Herdís, Valborg og Vilhjálmur.
