Stjörnublikk, sem er ein stærsta blikksmiðja Íslands, hefur náð samkomulagi um kaup á glerverksmiðjunni Samverk á Hellu, úr þrotabúi Kamba byggingavara.

Kemur fram á vb.is að viðskiptin séu háð samþykki Samkeppniseftirlitsins.

Sagði Finnbogi Geirsson forstjóri og eigandi Stjörnublikks í samtali við Viðskiptablaðið að með kaupunum vilji félagið koma starfsemi glerverksmiðjunnar á Hellu í gang á nýjan leik.

Gerir Finnbogi ráð fyrir því að þar verði störf fyrir um það bil 25 manns:

„Ég er fæddur og uppalinn Rangæingur og lít því á þetta sem samfélagsskyldu hjá mér að kaupa Samverk og koma starfseminni á Hellu af stað.“

Fyrirtækið Kambar byggingavörur sóttu um gjaldþrotaskipti í apríl og sagði þá samhliða upp um sextíu starfsmönnum innan félagsins.

Fyrirtækið Stjörnublikk, í Kópavogi, var hleypt af stokkunum af áðurnefndum Finnboga árið 1990. Byrjaði sem hefðbundin blikksmiðja, en hefur vaxið og dafnað afar vel.

Kemur fram að Stjörnublikk velti um það bil þremur milljörðum króna árið í fyrra og hagnaður þess í fyrra nam um 530 milljónum króna, en var 274 milljónir árið áður.

Eignir félagsins voru bókfærðar á 1,9 milljarða króna í árslok 2023, og þá var eigið fé var 1,4 milljarðar.