Heilsa ehf., að höfðu samráði við Heilbrigðiseftirlit Reykjavíkur, hefur stöðvað sölu og innkallað frá neytendum fæðubótarefnið Barnavít, vörumerki Guli miðinn. Greint er frá þessu í tilkynningu frá Reykjavíkurborg.

Ástæða þess að varan er innkölluð er sú að ráðlagður daglegur neysluskammtur inniheldur of mikið af A-vítamíni.

Neytendur sem hafa keypt umrædda vöru eru beðnir um að hætta notkun hennar og farga en einnig má skila henni í versluninni þar sem hún var keypt eða hjá Heilsu ehf. 

Varan er seld hjá eftirfarandi verslunum: Austurbæjarapótek, Borgar apótek, Lyfja, Krónan, Hagkaup, Fjarðarkaup, Lyfjaver, Heilsuver, Apótekarinn, Lyf og heilsa, Lyfsalinn, Hlíðarkaup, Kaupfélag Vestur-Húnvetninga, Þín verslun Kassinn.