Átta einstaklingar gista fangageymslur lögreglunnar á höfuðborgarsvæðinu eftir nóttina, samkvæmt dagbók lögreglunnar. Hér má sjá nokkur dæmi um það sem gekk á frá 17:00 í gær til 05:00 í morgun.

Maður var handtekinn í Múlunum (108) vegna gruns um sölu á fíkniefnum, peningaþvætti og útlendingalagabrot.

Í Miðborginni brutust út slagsmál en tvö voru handtekin grunuð um líkamsárás og brot á lögreglusamþykkt.

Í Hafnarfirði ákváðu nokkur ungmenni að skjóta upp flugeldum og brást lögreglan við tilkynningum um lætin sem þeim fylgdu.

Einn var handtekinn vegna húsbrots í Garðabæ.

Þá var maður handtekinn í miðbæ Kópavogs vegna gruns um akstur undir áhrifum fíkniefna, söludreifingu fíkniefna og útlendingalagabrot. Sama lögregla handtók einnig mann í Breiðholtinu vegna gruns um líkamsárás, eignaspjöll, hótanir og vopnalagabrot.

Að lokum segir frá í dagbók lögreglunnar að tveir menn hafi verið handteknir í Grafarvoginum, grunaðir um stórfellda líkamsárás og vörslur fíkniefna.