Matvælastofnun varar við neyslu á einni framleiðslulotu af ferskum heilum kjúklingi frá Matfugl ehf vegna gruns um salmonellusmit. Fyrirtækið hefur, í samráði við Matvælastofnun, ákveðið að innkalla vöruna.

Innkallið nær eingöngu til eftirfarandi framleiðslulotu:

• Vörumerki: Bónus
  
• Vörutegund: Heill ferskur kjúklingur og marineraður
  
• Framleiðandi: Matfugl ehf., Völuteigi 2, 270 Mosfellsbæ
  
• Lotunúmer: 011-26-03-5-64
  
• Dreifing: Bónusverslanir í Hraunbæ (1/1 heill ferskur kjúklingur) og á Smáratorgi, Norðurtorgi, Kjarnagötu í Naustahverfi, Reykjanesi í Njarðvík og Langholti á Akureyri (1/1 ferskur marineraður kjúklingur)
  

Matvælastofnun hvetur neytendur sem keypt hafa vöruna til að neyta hennar ekki. Ráðlagt er að farga vörunni eða skila henni í viðkomandi verslun.

Matvælastofnun fylgist áfram með málinu.