Friedrich Merz, verðandi Þýskalandskanslari, færði í dag rök fyrir stóraukningu á útgjöldum til varnarmála í Þýskalandi. Hann sagði að fyrsta skrefið yrði þannig tekið til að stofna „nýtt evrópskt varnarbandalag“.

Þá sagði hann að inni í varnarbandalaginu yrðu ríki eins og Bretland og Noregur. Þýskaland hefur þegar hafið samstarf við Noreg, sagði Merz. Bæði ríkin hafa ákveðið að kaupa kafbáta af sömu gerð. Þessi sameiginlega hönnun á að spara kostnað og auðvelda samstarf. Sömuleiðis hafa Noregur og Danmörk rætt aukið samstarf um hernaðarmál.

Ekki er ljóst hvort íslensk yfirvöld hafi leitað nánara samstarfs.