1
Innlent

Inga Lind ósátt: „Fyrir þetta fengu Þingeyringar níu störf í þorpinu“

2
Innlent

Segir Alexöndru Briem vera „kynskipting“

3
Innlent

Umfangsmikil lögregluaðgerð í Laugardal

4
Innlent

Guðmundur í Brimi opnar sig um afsögn sína

5
Innlent

Hundur Magnúsar hvarf í öldurnar

6
Innlent

Anna gagnrýnir „Málþófsdrottninguna“

7
Innlent

Gerður Ósk opnar sig um síðasta símtalið við son sinn

8
Innlent

Slógust á bar í Laugardalnum

9
Innlent

Bandaríska sendiráðið gagnrýnt fyrir áróður

10
Innlent

Þjófar á ferð í Hafnarfirði

Til baka

„Við eigum ekki að dæma fólk eftir ástamálum þess“

Þau taka afstöðu með Ásthildi Lóu Þórsdóttur. Vilja ekki vammlausa stjórnmálamenn.

thora_gudmundur_einar_asthildur
Vill umburðarlyndiGuðmundur Andri Thorsson, fyrrverandi þingmaður Samfylkingarinnar, vill ekki gera kröfur um vammlausa ráðherra.
Mynd: Samsett mynd

Nokkrir áberandi álitsgjafar taka afgerandi afstöðu með Ásthildi Lóu Þórsdóttur, sem sagði af sér embætti mennta- og barnamálaráðherra í gærkvöldi vegna ástarsambands og meintrar tálmunar gagnvart ungum pilti sem hófst fyrir 36 árum, þegar hún var 22 ára en hann 15 ára.

Ekki dæma ástarmál

„Hvert og eitt tilvik er sérstakt, oft fullt af hamingju og gleði, oft sorglegt og verður jafnvel að ævilöngu sári, en sjaldnast glæpsamlegt eða til þess fallið að samborgarar eigi að setja sig á háan siðferðishest og dæma út frá takmörkuðum upplýsingum,“ segir Guðmundur Andri Thorsson, fyrrverandi þingmaður Samfylkingarinnar, í færslu á Facebook.

Guðmundur Andri tekur einarða afstöðu með Ásthildi Lóu og rétti hennar til að hafa átt ástarsamband með unglingnum án afleiðinga í dag.

„Við eigum ekki að dæma fólk eftir ástamálum þess – ekki heldur 35 ára ástamálum,“ segir hann og vill leggja aðra mælikvarða á stjórnmálamenn.

„Ég vil meta stjórnmálamenn eftir stefnu þeirra og því hversu líklegir þeir eru til að bæta samfélagið okkar; hvernig þeir fara með vald. Mér finnst ekki að stjórnmálamenn eigi umfram allt að vera vammlausar manneskjur sem aldrei hafi komist í neins konar vandræði. Mér fannst það til dæmis vont þegar Sigurjón Þórðarson þingmaður FF vildi svipta Morgunblaðið styrkjum sem blaðinu ber að fá vegna þess að honum mislíkaði fréttaflutningur þess. Mér fannst líka ýmislegt í málflutningi Ásthildar Lóu um fjármál nokkuð á skjön við það hvernig ég myndi orða hlutina – en mér sýndist hún vera að ná góðum tökum á starfi sínu.“

„Krossferð“

Þóra Kristín Ásgeirsdóttir, fyrrverandi fréttakona og stjórnarmaður í Samstöðinni, tekur í sama streng.

„Mig langar að vita hvaða knýjandi þörf varð til þess að konan sem hratt þessu máli af stað ákvað að fara í þessa krossferð til að skemmta skrattanum. Voru það kannski lægri og ömurlegri hvatir heldur en stjórnuðu gerðum kornungs fólks í trúarsöfnuði fyrir 35 árum?“ spyr hún á Facebook.

„Einhverntímann heyrði ég að versta fólkið í barnaverndarnefndum væri ofsatrúarfólk og hatrammt bindindisfólk. Ég vil ekki endilega vammlausan barnamálaráðherra, ég vil frekar breyska manneskju sem getur skilið núansana í tilverunni.

Verða börn betur sett með harðlæstan og lokaðan barnamálaráðherra í gráum jakkafötum sem hefur aldrei misstigið sig? Eitt er víst. Morgunblaðið mun ekki linna látum fyrr en það verður búið að hýða og hengja opinberlega alla þingmenn Flokks fólksins sem vildu frekar ganga inn í núverandi ríkisstjórn en að greiða götu þeirra. Siðfræðingar flokksins munu síðan míga á gröfina og þjóðin klappa fyrir mestu hræsnurunum,“ segir hún.

Sama segir Einar Gautur Steingrímsson lögmaður um afturvirkar siðferðiskröfur. „Skil að hún kjósi að segja af sér en almennt tel ég að þjóðfélagið eigi ekki að eltast við 30 ára gamlar syndir. Mér lýst illa á slíkt. Þá bara skiptast ráðamenn í þá sem hafa gert eitthvað sem ekki hefur komist í hámæli og hina sem þurftu frá að hverfa útaf slíku. Færri hafa ekkert slíkt í pokahornnu.“

Dæmi um „núgildingu“

Elliði Vignisson, bæjarstjóri í Ölfusi úr Sjálfstæðisflokknum, er sammála þeim öllum og er það í eitt af fáum tilfellum sem samhljómur er vinstra megin og hægra megin. Hann kallar það „núgildingu“, sem er tilvísun í „presentism“, að dæma gjörðir fortíðar út frá gildum og reglum dagsins í dag. „Núgilding felur í sér þá tilhneigingu að meta atburði og hegðun í fortíðinni út frá siðferðilegum, félagslegum eða menningarlegum viðmiðum nútímans. Þetta getur leitt til þess að fólk dæmir einstaklinga eða samfélög í sögunni harðlega fyrir gjörðir sem þó voru taldar eðlilegar á sínum tíma eða í það minnsta ekki fordæmt af samfélaginu. Með því er hætta á að við missum sjónar á félagslegu samhengi og dæmum hegðun sem þó var í samræmi við tíðarandann á þeim tíma.“

Þá bætir hann við: „Málefni barnamálaráðherra er persónulegt og sá hluti á ekki endilega erindi á hvers manns tungu þótt eðlilegt sé að málið sé rætt og reifað. Ég hef verið mjög gagnrýnin á framgöngu ráðherrans í ýmsum málum, ekki hvað síst fordæmalausa aðkomu hennar að kjarasamningum og orðum um dómstóla. Ég tel ríkisstjórn betur skipaða eftir brotthvarf hennar. Það breytir því ekki að mér þykir umræða um þessa fjölskyldusögu og núgilding umræðunnar ósanngjörn. Ég held að fólk þurfi að fara varlega í alla dóma og gæta að núgildingu. Að sama skapi þarf að muna eftir þeirri mannlegu hlið í þessu máli að fráfarandi barnamálaráðherra var á þessum tíma ung einstæð móðir og viðbrögð hennar gagnvart barnsföður þarf að skilja í því ljósi. Aðgát skal höfð í nærveru sálar.“

Kjósa
Hvernig finnst þér þessi grein? Skrá inn til að kjósa

Komment


leikskólabörn
Innlent

Hagsmunir barna séu ávallt í fyrirrúmi

Barnvænt Ísland er stefna um framkvæmd barnasáttmála Sameinuðu þjóðanna fyrir árin 2021–2024 og er tilgangurinn sá að innleiða samning Sameinuðu þjóðanna um réttindi barnsins þannig að mannréttindi barna yrðu efld og innleidd með markvissum hætti
Kristrún Frostadóttir forsætisráðherra
Sport

Lætur málþófið ekki stoppa sig og ætlar „að fylgjast með stelpunum á EM“

Ugla Stefanía Jónsdóttir
Innlent

Ugla segir erfitt að taka manneskju alvarlega sem notar „þetta orð“

Kirkjusandur
Innlent

Gerður Ósk opnar sig um síðasta símtalið við son sinn

Kristín Jónsdóttir veðurfræðingur
Landið

Greini­leg kviku­söfn­un í gangi

Austurbrún
Innlent

Tveir handteknir í aðgerðum lögreglu í gær

Kerti
Minning

Þóra Jónsdóttir er látin

Vindmyllur
Landið

Vindmyllur munu setja svip sinn á Dalasýslu

Hafnarfjörður 2024
Innlent

Þjófar á ferð í Hafnarfirði

Aðgerð
Innlent

Umfangsmikil lögregluaðgerð í Laugardal

Þorbjörg Sigríður Gunnlaugsdóttir dómsmálaráðherra
Pólitík

Dómsmálaráðherra vill þyngja refsingar við ofbeldisbrotum

Pólitík

Þorbjörg Sigríður Gunnlaugsdóttir dómsmálaráðherra
Pólitík

Dómsmálaráðherra vill þyngja refsingar við ofbeldisbrotum

Þorbjörg S. Gunnlaugsdóttir dómsmálaráðherra hefur sent refsiréttarnefnd bréf þar sem hún fer þess á leit við nefndina að athuga hvort tilefni sé til að endurskoða ákvæði almennra hegningarlaga er varða líkamsárásir.
Þorgerður Katrín á viðburði Riddara Kærleikans
Pólitík

Ráðherra veitir 150 milljón króna viðbótarframlagi til starfsemi UNRWA

Inga Sæland
Pólitík

Miklar breytingar á lögum um fæðingarorlof samþykktar

Vorstjarnan Sanna
Pólitík

Sósíalistar rífast: „Þegiðu!“

Gunnar Smári Egilsson
Pólitík

Gunnar Smári segist ekki vera að stofna nýjan flokk

Heiðrún Lind Marteinsdóttir
Pólitík

„Í dag er hún valdamesta manneskjan í Sjálfstæðisflokknum“

Loka auglýsingu