Húsið er vel staðsett í rólegu, fjölskylduvænu og grónu hverfi á norðanverðu Seltjarnarnesi, þar sem stutt er í alla helstu þjónustu, skóla, leikskóla, íþróttasvæði Gróttu og Sundlaug Seltjarnarness. Hverfið er í nálægð fallegustu útvistarperlu Seltirninga, Gróttu, og fjöruna þar sem náttúruna skartar sínu fegursta.
Rómaðar útivistarperlur og einstök fjallasýn
Fjallasýnin er einstök með fram ströndinni en hægt er að sjá Snæfellsjökulinn blasa við, Esjuna og Akrafjall þegar ekið er ströndina heim að húsi. Stutt er í Kisuklappir sem er afar vinsæll viðkomustaður gangandi vegfaranda á leið sinni út í Snoppu og Gróttu þar sem vitinn stendur. Einnig eru hjóla- og göngustígar allan Neshringinn sem njóta mikilla vinsælda.
Seltjarnarnes er eftirsóknarverður staður fyrir fjölskyldur að búa á. Bærinn er rómaður fyrir falleg útivistarsvæði og öfluga grunnþjónustu þar sem hagur allra bæjarbúa er hafður að leiðarljósi og sérstök áhersla lögð á að hafa samfelldan vinnudag barna og ungmenna þegar kemur að skóla-, íþrótta- og tómstundastarfi.
Það má segja að Seltjarnarnes sé ein best leynda útivistarperlan á höfuðborgarsvæðinu. Bæjarfélagið leggur metnað sinn í að allir eigi kost á að njóta náttúrunnar og hannar meðal annars göngu- og hjólastíga með það í huga.
Hvíti og grái liturinn er í forgrunni
Húsið við Bollagarða 81 er vandað og bjart innan dyra. Hvítar innréttingar eru í forgrunni og gráir tónar spila stórt hlutverk. Á fyrstu hæð er rúmgott og smekklegt eldhús með hvítum innréttingum sem gefa því létt yfirbragð. Bjartar stofur koma í framhaldinu með gólfsíðum og stórum gluggum. Úr stofunni er hægt að fara út á stílhreina timburverönd sem er sunnan megin við húsið en garðurinn er til suðurs og er afar skjólsæll.
Fallegur trjágróður prýðir garðinn við húsið og lóðin er afgirt og góður griðastaður fjölskyldunnar. Svefnherbergin eru á efri hæð hússins ásamt rúmgóðu baðherbergi en það er mikill kostur að hafa herbergin á efri hæð í tvíbýli sem þessu. Þar er einnig gott hol sem nýtist vel og skemmtilegt að hafa risið sem settur svip sinn á eignina. Sjón er sögu ríkari og húsið er hið fallegasta í þessu rómaða hverfi á Seltjarnarnesi.
Þessi eign er til sölu hjá Borg fasteignasölu og 187,2 fermetrar að stærð. Nánari upplýsingar veitir Úlfar Þór Davíðsson í síma 897-9030 eða hjá Borg Fasteignasölu, sími: 519-5500. Verð eignarinnar er 93,0 milljónir.
Athugasemdir